Qimmatli qog‘ozlar bozorida mijozlarni masofadan turib raqamli identifikatsiya qilish boshlanadi 

Quyidagilarni nazarda tutuvchi Qimmatli qog‘ozlar bozorida mijozlarning masofadan turib raqamli identifikatsiya qilish tartibi to‘g‘risidagi nizom tasdiqlanadi:

• qimmatli qog‘ozlar bozorida mijozlarni raqamli identifikatsiya qilish va uni qo‘llash tartibi;
• investitsiya vositachilari tomonidan mijozlar bilan shartnoma tuzish vaqtida ularning shaxsiy ma’lumotlarini olish maqsadida mijozlarni tekshirish tizimini amalga oshirish tartibi.

Istiqbolli loyihalar milliy agentligi va Bosh prokuratura huzuridagi Iqtisodiy jinoyatlarga qarshi kurashish departamenti bilan birgalikda qimmatli qog‘ozlar bozoridagi professional ishtirokchilari tomonidan qimmatli qog‘ozlar bozorida mijozlar masofadan turib raqamli identifikatsiya qilish tartibidan foydalanishi davomida Jinoiy faoliyatdan olingan daromadlarni legallashtirishga qarshi kurashish bo‘yicha moliyaviy choralar ishlab chiquvchi guruh talablaridan kelib chiqib, “O‘z mijozingni bil” va “Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish” tizimlariga muvofiq qimmatli qog‘ozlar bozorida mijozlar bilan shartnoma tuzish paytida mijozlarni tekshirish tizimini amalga oshirish tartibiga rioya qilinishi ta’minlanadi.

Belgilanishicha, qimmatli qog‘ozlar bozorida mijozlarni raqamli identifikatsiya yoki raqamli autentifikatsiya qilingan mijozlardan elektron investitsiya vositachilik xizmatlarini ko‘rsatish jarayonida qog‘oz shaklidagi imzolangan arizalarni olish talab qilinmaydi.