Navoiyda anomal sovuq kuzatildi

Navoiy viloyatining shimoliy hududlarida havo harorati 17 darajagacha pasaydi. Bu haqda Navoiygidromet xabar berdi.

Ma’lum qilinishicha, 15 yanvardan 16 yanvarga o‘tar kechasi viloyatning Uchquduq, Tomdi tumanlari hamda Zarafshon shahrida 6-12 darajagacha, shimoliy Qizilqum hududlarida joylashgan «Oqbaytal» meteorologik stansiyasida esa 17 daraja sovuq kuzatilgan. «Oqbaytal»da tuproq yuza qatlamidagi minimal harorat 27 daraja sovuqqa yetgan. 

Shuningdek, shimoliy hududlarda 1-7 sm qalinlikda qor qoplami saqlanib turibdi. Kunning kecha-kunduzlik o‘rtacha harorati, shu kun uchun xos bo‘lgan ko‘p yillik me’yor ko‘rsatkichlardan 1-8 daraja past bo‘lgan.