Berlin chekkasiga asteroid quladi

21 yanvar, yakshanbaga o‘tar kechasi Berlin osmonida asteroid ko‘rindi, u, ekspertlarning fikriga ko‘ra, Germaniya poytaxti g‘arbiga qulagan, deb xabar bermoqda dpa.

Kichik sayyoralar markazi (MPC) ma’lumotlariga ko‘ra, diametri bir metrga yaqin bo‘lgan asteroidni vengriyalik astronom Kristian Sharnetski aniqladi. Osmon jismiga dastlab Sar2736 taxminiy nomi berilgan, hozir u 2024 BX1 deb atalmoqda. So‘nggi yillarda bir necha marta asteroidni Yer atmosferasida yonib ketishidan oldin aniqlash mumkin bo‘lgandi, deya qayd etadi dpa. 

AQSh milliy aeronavtika va fazoni tadqiq qilish agentligi (NASA) hisob-kitoblariga ko‘ra, asteroid Brandenburgdagi Nennxauzen mavzesi yaqiniga qulashi kerak edi. Politsiya ma’lum qilishicha, tushib ketgan osmon jismi oqibatida yetkazilgan zarar haqida hech qanday xabar olmagan.

Odamlar asteroid parchalarini qidirishga kela boshladi, deb yozadi dpa. 

O‘tgan yili Germaniyada og‘irligi 3,5 kg bo‘lgan meteorit uylardan birining bog‘iga qulagan edi. Tosh 200 ming yevroga baholangan.