Ukrainada urushning 733-kuni o‘tdi. Asosiy ma’lumotlar:

  • Anneksiya qilingan «DXR» rasmiylari Avdiyivka atrofida amerikaliklarning Abrams tanki yo‘q qilingani haqida xabar berdi — bu urush boshidan buyon birinchi holat. Ukraina qurolli kuchlari tank zarbaga uchraganini rasman tasdiqlamagan.
  • Belgorod oblastida dron hujumi oqibatida uch kishi halok bo‘ldi, yana uch kishi jarohat olgan.
  • Vengriya parlamenti Shvetsiyaning NATOga a’zo bo‘lishini ma’qulladi. Bu Stokholm alyansga a’zo bo‘lishidagi so‘nggi to‘siq edi.
  • Rossiya droni 25 fevral kuni Mikolayivga tashrif vaqtida Germaniya TIV rahbari Annalena Berbokning kortejini kuzatgan. Shundan so‘ng vazir darhol Ukrainani tark etgan.
  • Der Spiegel nashri tasdiqlashicha, Germaniya Ukrainaga snaryadlar yetkazib berish bo‘yicha Hindiston bilan maxfiy muzokaralar olib bormoqda.

Qo‘l yoki oyog‘idan ayrilgan ukrain askarlarining reabilitatsiya jarayoni

22 yoshli ukrainalik jangchi Valentin Kiyevdagi reabilitatsiya markazida fizioterapevt bilan ishlamoqda. Valentin 2022 yil Baxmut atrofidagi janglarda oyog‘idan ayrilgan
Chris McGrath / Getty Images
43 yoshli ukrain askari Oleksandr Kiyevdagi klinikada. Og‘ir jarohatdan keyin uning ikki qo‘li va oyog‘ini kesib tashlashga to‘g‘ri kelgan