Özini mustaqil deb e’lon qilgan Qoraboğ Respublikasi sobiq «hukumat rahbari», tadbirkor Ruben Vardanyan Ozarboyjon tergov izolyatorida deyarli uç hafta davom etgan oçlikni töxtatdi. Bu haqda uning oilasi Vardanyanning Telegram-kanalida 25 aprel, payşanba kuni keçqurun çop etgan bayonotda aytiladi.
«Ruben Vardanyanning oilasi nihoyat uni oçlikni töxtatişga köndira oldi, çunki uning soğliği va qamoqda saqlaş şaroiti yomonlaşayotgani sababli, oila a’zolari turli mamlakatlarda Ozarboyjonga nisbatan bosim kuçayib borayotgani haqida xabar berdi. Ruben Vardanyan oila a’zolarining şoşilinç iltimosiga köndi va öz yaqinlari tinçligi uçun oçlikni töxtatişga rozi böldi», — deyiladi bayonotda.
Vardanyanning qölga olinişi
«Troyka Dialog» sarmoyaviy kompaniyasining sobiq rahbari va asosiy hamkori milliarder Ruben Vardanyan 2023 yil 27 sentabr kuni Qoraboğdan Armanistonga çiqib ketmoqçi bölgan vaqtda Ozarboyjon çegara postida uşlangan edi. Ertasi kuni u hibsga olindi. Vardanyanga bir qança moddalar, jumladan, terrorizmni moliyalaştiriş, noqonuniy qurolli guruhlar tuziş va faoliyatida iştirok etiş böyiça ayblov qöyilgan. Unga 14 yilgaça qamoq jazosi berilişi mumkin.
19 aprel kuni Vardanyanning oilasi u Ozarboyjon tergov izolyatorida oçlik e’lon qilganini bildirdi, bu «Vardanyan va uning advokatining xalqaro huquq me’yorlariga muvofiq sud jarayonini öz vaqtida, adolatli va oşkora ötkaziş böyiça qayta-qayta sörovlaridan keyin» 5 aprel kuni boşlangan.
