Yevropa iqlim özgarişi xizmati 22 iyul, duşanbani rekord darajadagi eng issiq kun deb atadi. U bir kun avval örnatilgan rekordni yangiladi, deb xabar berdi AP.
Kuzatişlar şuni körsatdiki, 21 iyul kuni sayyorada örtaça harorat Tselsiy böyiça 17,09 darajani, 22 iyulda esa 17,15 darajani taşkil qildi. Avvalgi rekord 16,08 daraja 2016 yilda örnatilgan edi.
Klimatologlarning ta’kidlaşiça, antropogen iqlim özgarişi tufayli Yer hozir 125 ming yil avvalgidek issiq. Haroratning kötarilişi issiqxona gazlari çiqindilarining köpayişiga asoslangan başoratlarga mos keladi.
Yevropada ob-havo körsatkiçlarini muntazam qayd etiş 1940 yilda boşlangan. Ammo olimlar avvalgi ma’lumotlar bilan ham işlaşi mumkin. AQŞ va Buyuk Britaniyada 1880 yillardan boşlab tegişli tadqiqotlar olib borilgan. Tarixiy iqlim şaroitini daraxt halqalari va muz qavatlari orqali ham tiklaş mumkin. Mavjud ma’lumotlarga köra, 2023 yil sönggi 120 ming yildagi eng issiq yil bölgan va 2024 yilning birinçi olti oyida körsatkiçlar yana oşgan.
Olimlarning ta’kidlaşiça, inson faoliyati iqlimga bevosita ta’sir qiladi. Bu omil bölmaganida, harorat rekordlari sönggi yillardagidek tez-tez yangilanmas edi.
