Bakalavriat uchun turdosh yo‘nalishlar ro‘yxati tasdiqlandi

Yo‘nalishlar jami 32 ta turdosh guruhlarga ajratildi. Ular bilan batafsil bu yerda tanishish mumkin.

Oliy ta’lim yo‘nalishlari va mutaxassisliklari klassifikatori bo‘yicha turdosh ta’lim yo‘nalishlari ro‘yxati tasdiqlandi. Bu haqda Oliy ta’lim, fan va innovatsiyalar vazirligi ma’lum qildi.

Yo‘nalishlar jami 32 ta turdosh guruhlarga ajratildi. Ular bilan batafsil bu yerda tanishish mumkin.

Ma’lumot uchun, quyidagi ta’lim yo‘nalishlari soha (tarmoq, yo‘nalish, faoliyat turi) bo‘yicha mos ta’lim yo‘nalishlari (mutaxassisliklari) guruhiga turdosh hisoblanadi:

• Kasb ta’limi (bakalavriat ta’lim yo‘nalishlari bo‘yicha);
• professional ta’lim (bakalavriat ta’lim yo‘nalishlari bo‘yicha);
• xizmat ko‘rsatish texnika va texnologiyasi (xizmat ko‘rsatish tarmoqlari bo‘yicha);
• xizmatlar sohasi (faoliyat turlari va yo‘nalishlari bo‘yicha).

Shuningdek, vazirlik ko‘chirish yoki qayta tiklashga ariza topshirganlarning ilgari ta’lim olgan yo‘nalishlari (mutaxassisliklari) amaldagi klassifikatorga muvofiqlashtirilib, inobatga olinishini qo‘shimcha qildi.