Venesueladagi tartibsizliklarda 80 dan ortiq harbiy va politsiyachi jarohat oldi

Venesueladagi namoyishlar chog‘ida 80 dan ortiq harbiy va politsiyachi yaralangan. Bu haqda bosh prokuror Tarek Uilyam Saab ma’lum qildi.

Saab Karakasdagi matbuot anjumanida, mamlakatdagi tartibsizliklarning ko‘plab ishtirokchilari hatto prezidentlik saylovlarida ovoz berishda ham qatnashganini aytdi.

«Vandalizmni sodir etganlar uzoq muddatli sudlanganlik holatiga ega. Ular Ugo Chaves haykallari, shifoxonalar va politsiya mashinalariga zarar yetkazgan. Biz fuqarolarning huquqlarini himoya qilamiz va qonuniy choralar ko‘ramiz», - dedi u. 

Unga ko‘ra, hokimiyat konstitutsiya doirasida tinch namoyishlar o‘tkazgan fuqarolarni hurmat qiladi, ammo buzg‘unchilikka yo‘l qo‘yganlar qonun oldida javob beradi.

28 iyul kuni Venesuelada prezidentlik saylovlari bo‘lib o‘tdi.

Venesuela Milliy saylov kengashi amaldagi davlat rahbari Nikolas Maduro 51,2 foiz ovoz bilan uchinchi olti yillik muddatga qayta saylanganini ma’lum qildi. 

Muxolifat saylov natijalari soxtalashtirilganini da’vo qilmoqda.

Saylov natijalariga qarshi namoyishchilar va xavfsizlik kuchlari o‘rtasidagi to‘qnashuvlarda 17 kishi, jumladan, harbiy xizmatchi halok bo‘ldi.