Dmitriy Bivol özi tuğilgan Qirğiziston bayroği ostida jang qilgaç, mamlakat prezidenti uni qimmatbaho sovğa bilan taqdirladi.
Qirğiziston prezidenti Sadir Japarov rossiyalik boksçi Dmitriy Bivolga Rolls-Royce Silver Shadow antikvar avtomobilini sovğa qildi. Bu haqda boksçi ijtimoiy tarmoqda ma’lum qildi.
«Ajoyib sovğa», deb yozdi Bivol postda va Qirğiziston prezidenti nomi yozilgan teg qöşdi.
Alohida, «Storiz»da Dmitriy Bivol Bişkek şahrida prezidentning öğli Rustam Japarov unga maşina kalitini topşirganini körsatdi.
«Sadir Nurğojoyeviçdan çempion akaga çin yurakdan», dedi Rustam kalitni topşirarkan.
Carcheck ma’lumotlariga köra, sovğa qilingan maşina 1977 yilda işlab çiqarilgan. U Qirğizistonda 2022 yil may oyida röyxatga olingan, taxminiy narxi 150 ming dollarni taşkil qiladi.
Bivol Qirğizistonning Töqmoq şahrida tuğilgan va boksdagi ilk qadamlarini şu yerda qöygan. Keyin u Rossiyaga köçib ötdi va bu mamlakat vakili böldi. 2022 yil avgustida Dmitriy Bivol meksikalik Saul Alvaresga qarşi jang qiliş uçun Qirğiziston bayroği ostida ilk bor ringga çiqdi.
Uning sözlariga köra, jang taşkilotçilari sanksiyalar sabab Rossiya bayroğini kötarişni istamagan va vaziyatga yeçim topiş maqsadida Qirğiziston bayroğidan foydalangan.
«Heç kimni xafa qilmoqçi emasman, lekin, töğrisini aytsam, Qirğiziston bayroği ostida musobaqalarda qatnaşiş xayolimga ham kelmagan. Men professional boksçi bölganimda heç qaçon bu bayroq ostida jang qilmaganman... Taşkilotçilar şunday qarorga keldi. Men ham mamnun böldim...», dedi Bivol jangdan keyin.
Keyingi janglarda Bivol yana Rossiya bayroği ostida iştirok qildi.
