Uç Boltiqböyi davlati boş vazirlari NATO böyiça ittifoqçilarini Rossiya Federatsiyasining agressiyasini qaytarişda davom etayotgan Ukrainaga yordamni oşirişga çaqirdi. «Ukraina nafaqat omon qolişi, balki muzokaraga kirişgunga qadar vaziyatni öz foydasiga özgartira olişi uçun uni qöllab-quvvatlaşimizni kuçaytirişimiz kerak», dedi Litva boş vaziri Ingrida Şimonite 22 noyabr, juma kuni Vilnyusda Estoniya va Latviyadan kelgan hamkasblari Kristen Mixal va Evika Silinya bilan uçraşuvdan söng.
Yevropaning xavfsizligi Ukraina ğalabasiga boğliq
Ukrainaning, NATOning şarqiy qanoti va Yevropaning xavfsizligi bevosita Ukraina ğalabasiga, şuningdek, uning yevroatlantika integratsiyasiga boğliq, dedi Yevropa Ittifoqi va NATOning uç mamlakati hukumat rahbarlari.
Şimonite, Mixal va Silinya NATO davlatlari harbiy xarajatlarni yanada sezilarli darajada oşirişi kerakligini ham aytdi. «Alyans a’zolarining mudofaa xarajatlari uçun yalpi içki mahsulotning uç foizini yoki undan ham köproğini eng yuqori çegara sifatida emas, balki pastki çegara sifatida belgilaş kerak», — deydi ular.
NATOning rasmiy maqsadi mudofaa xarajatlarini YaIMning kamida 2 foiziga yetkazişdir. Uç Boltiqböyi mamlakati ham yalpi içki mahsulotning 3 foizdan ortiğini şu maqsadda sarflaydi.
