“GPS’dan ölim” – sayohatçilarni muammolarga duçor qilayotgan navigator va xaritalar

Hodisalarning yarmidan köproğida xaritalardagi notöğri ma’lumotlar, masalan, yölning kengligi yoki qoplamasi, yöl oraliğining balandligi yoki yöl kimga möljallangani haqidagi notöğri körsatmalar sababli yuz bergan (bir safar haydovçi xususiy hududga kirib qolib, mulk egasi bilan töqnaşgan). 18 ta hodisaga navigator tuzib bergan yönaliş sabab bölgan.

Eng qisqa yölni tanlaş

Köpinça navigator bir neçta marşrutlarni taklif qiladi — eng qisqa, eng tez, energiyani eng köp tejovçi va hokazo. Aksariyat hollarda sayohatçilar taklif etilgan yönalişlarning eng qisqasini tanlaydi.

Kanadalik er-xotin 2011 yilda Nevadaga safari çoğida şunday qilgan. Ular xarob yöldan çiqib qolib, loyga botgan. 49 kun deganda ayol qutqarilgan, eri esa halok bölgan.

Rossiyada ham ikki ösmir şunday yöl tutgan. Ular 2020 yilning keç kuzida Yoqutiston bilan özlari tuğilib ösgan Magadan yaqinida Ola qişloği orasidagi ikki ming kilometrlik masofani bosib ötişga qaror qilgan. Kubeme qişloği yaqinida yöl ikkiga ajraladi: Magadanga aylanma yöl orqali boradigan federal trassa va rasmiy davlat reyestrida “Suyaklar yöli” deb nomlanadigan Eski Kolima yöli. Google Maps yölovçilar uçun ikkita marşrut taklif qilgan, ular esa qisqaroq “Suyaklar yöli”ni tanlagan.

Bir neça kundan söng ösmirlarning avtomobili topildi. Ulardan biri, Sergey Ustinov allaqaçon vafot etgandi, çunki harorat -39 darajagaça pasaygan, yigitlar esa ança iliq havoni öylab yölga çiqqan. Ikkinçisi, Vladislav Istomin, tirik topildi, ammo sovuq urgani sababli uning qöl kaftlari va oyoq panjalarini kesib taşlaşga töğri keldi.

Öşanda Sergeyning opasi Yuliya Zubok Google’ni sudga berişni rejalaştirgandi.

“Xaritani tahrirlaş”

Buzilgan köprikdan ötişga urinib, halok bölgan amerikalik Filip Pakstonning oilasi ham şunga öxşaş munosabat bildirgan. Uning bevasi Google kompaniyasiga qarşi sudga ariza topşirgan.

2022 yil sentabr oyida Pakston Şimoliy Karolinada töqqiz yaşar qizining tuğilgan kunidan qaytayotganda, Google Maps unga töqqiz yil oldin vayron bölgan köprik orqali yöl körsatgan.

“Pakstonlar oilasiga çuqur hamdardlik bildiramiz”, — dedi Google vakili Xose Kastaneda. “Maqsadimiz — Maps’ga marşrutlar haqida aniq ma’lumot taqdim etiş, biz da’voni örganyapmiz”, — deb qöşimça qilgan u.

Da’voga köra, mahalliy aholi buzilgan köprik haqida Google Mpas ilovasidagi “xaritani tahrirlaş” funksiyasi orqali xabar bergan. Da’vo arizasida kompaniya vayron bölgan köprik haqida 2020 yil noyabr oyida xabar olgani va uni körib çiqiş bilan şuğullangani ham tasdiqlangan.

Biroq oradan ikki yil ötsa ham xaritadagi ma’lumotlar özgarmagan.

Şotlandiya alpinizm taşkilotlari ham Google bilan şunga öxşaş vaziyatga duç kelgan. Google Maps ilovasi Buyuk Britaniyadagi eng baland çöqqi Ben-Nevisga kötariliş uçun eng yaqin avtoturargohdan töğridan töğri piyodalar yölini tavsiya qilgan. Bunda ilova bu yölning hatto tajribali alpinistlar uçun ham xavfli va murakkab ekanini hisobga olmagan. Navigator Şotlandiyaning boşqa toğlariga yöl körsatişda ham sayohatçilarni “hayot uçun xavfli hududlar”ga yetaklagan.

Taşkilotlar Google’dan ma’lumotlarni tuzatişni va alpinistlar bilan maslahatlaşişni söragan, ammo kompaniya ularga javob bermagan.

“Biz xavfsizlik va işonçlilik masalalarini hisobga olgan holda Google xaritalarini yaratdik va Ben-Nevis yönalişi bilan boğliq muammolarni örganiş ustida şoşilinç iş olib boryapmiz”, — deyiladi kompaniya xabarida.

“Xaritalarni yangilaşda foydalaniladigan ma’lumotlar va yuqori sifatli tasvirlardan taşqari, biz mahalliy taşkilotlarni Geo Data Upload vositamiz orqali yöllar va yönalişlar haqida ma’lumot taqdim etişga çaqiramiz”, — deb qöşimça qilgan kompaniya.

OAVda Ben-Nevisdagi “potensial halokatli” yönaliş haqidagi maqola e’lon qilinganidan ikki kun ötib, Google öz xaritalariga özgartiriş kiritgan.