O‘zbekiston xalq artisti Shafoat Rahmatullayeva vafot etdi

Shafoat Rahmatullayeva 1941 yilning 4 yanvarida Qo‘qon shahrida tug‘ilgan.  

U 1965 yili sobiq Toshkent davlat teatr va rassomchilik institutini bitirgan. Mehnat faoliyatini yo‘llanma asosida ishga yuborilgan Sirdaryo teatrida boshlagan.

1980 yilda xizmat ko‘rsatgan artist unvoni bilan taqdirlangan. 1992 yili O‘zbekiston xalq artisti unvoni berilgan. 

U ko‘p yillar davomida teatr sohasida faoliyat yuritib kelgan. Shuningdek, kinofilmlarda turli rollarni ijro etgan. O‘zining yorqin va mazmunli rollari orqali tomoshabinlar qalbidan o‘rin olgan.

Kun.uz Shafoat Rahmatullayevaning oila a’zolari va yaqinlariga hamdardlik bildiradi.