Yerga kuchli geomagnit bo‘ron yaqinlashmoqda

31 dekabr kuni Quyosh chaqnashi oqibatida Yerga kuchli geomagnit bo‘roni keladi. Bu haqda Quyoshni o‘rganuvchi astrofizik Rayan French X ijtimoiy tarmog‘idagi sahifasida yozdi.

U so‘nggi bir necha kun ichida Quyoshda kuchli chaqnashlar sodir bo‘lganiga e’tibor qaratdi.

Olimning aytishicha, bu chaqnashlar oqibatida yuzaga keladigan magnit bo‘roni sayyoraga 31 dekabr kuni ta’sir qilishi kutilmoqda.

Space saytining yozishicha, bo‘ronning shiddati G3 (kuchli) toifada bo‘lib, uning ta’siri 31 dekabr tunda seziladi va 1 yanvar ertalabgacha davom etadi.

Geomagnit faollikni keltirib chiqaradigan bo‘ron osmonda shimol yog‘dusi deb ataladigan rang-barang nurlarning paydo bo‘lishiga olib keladi, ular odatda shimoliy mamlakatlarda kuzatiladi.