Qoʻshimcha funksionallar
-
Tungi ko‘rinish
O‘zbekiston vakili ShHT bosh kotibi o‘rinbosari etib tayinlandi
Bu lavozimga shu paytgacha O‘zbekistonning ShHT kotibiyati huzuridagi doimiy vakili bo‘lgan Botir Tursunov tayinlangan.
Foto: Strategik va mintaqalararo tadqiqotlar instituti
O‘zbekiston vakili Botir Tursunov 1 yanvar kuni Shanxay hamkorlik tashkiloti bosh kotibi o‘rinbosari vazifasini bajarishga kirishgan. Bu haqda “Dunyo” axborot agentligi xabar bermoqda.
Botir Tursunov 50 yoshda. U Toshkent davlat sharqshunoslik instituti va O‘zbekiston Fanlar akademiyasi I.Mo‘minov nomidagi Falsafa va huquq institutini tamomlagan.
2005 yildan TIV tizimida, markaziy apparat va O‘zbekistonning Pekindagi elchixonasida turli lavozimlarda ishlagan.
Shuningdek, prezident huzuridagi Strategik va mintaqalararo tadqiqotlar instituti direktori, Markaziy Osiyo xalqaro instituti direktori o‘rinbosari lavozimlarida faoliyat ko‘rsatgan.
Botir Tursunov 2023 yildan O‘zbekistonning XXRdagi elchixonasi maslahatchi-vakili, ShHT kotibiyati huzuridagi doimiy vakil sifatida ishlab kelayotgandi.
U falsafa fanlari nomzodi, 25 dan ortiq ilmiy ishlar muallifi hisoblanadi. Rus, ingliz va xitoy tillarini mukammal biladi.
Mavzuga oid
21:21 / 17.10.2024
O‘zbekistonning ShHT budjetidagi ulushi ma’lum bo‘ldi
15:09 / 04.09.2024
«Mehr» operatsiyasida O‘zbekistonga qaytarilganlarning 9,8 foizi an’anaviy islom diniga e’tiqod qiladi» – Botir Tursunov
15:39 / 08.07.2024
ShHT yana kengaydi. Bu tashkilotning amaliy emas, deklarativ xarakterini kuchaytiradimi?
18:48 / 04.07.2024