O‘zbekistonliklarni Turkiyada fohishalik uchun sotgan ayol qo‘lga olindi

U Turkiya va O‘zbekiston Ichki ishlari vazirliklari hamkorlikda o‘tkazgan tadbirda ushlanib, Toshkentga deportatsiya qilingan.

Foto: O‘zbekistonning Istanbuldagi konsulxonasi

Turkiyada o‘zbekistonliklarni fohishalik uchun sotib yuborgan ayol qo‘lga olindi. Bu haqda Istanbul shahridagi Bosh konsulxona xabar bermoqda.

Ma’lum qilinishicha, O‘zbekiston va Turkiya Ichki ishlar vazirligi hamkorligida odam savdosi jinoyatini sodir etganlikda ayblanib, IIV tomonidan qidiruvda bo‘lgan O‘.S. Toshkent shahriga deportatsiya qilingan.

1990 yilda tug‘ilgan mazkur ayol chet elda qonunga xilof ravishda O‘zbekiston fuqarolarining hujjatlarini olib qo‘ygan va shahvoniy maqsadlarda sotib yuborgan.

“Ushbu shaxsning xatti-harakatlaridan jabr ko‘rgan fuqarolardan O‘zbekistonning Istanbul shahridagi Bosh konsulxonasiga yoki O‘zbekiston Respublikasi Ichki ishlar vazirligi yoxud ichki ishlar organlarining quyi hududiy bo‘linmalariga murojaat qilish so‘raladi”, deyiladi xabarda.

#Turkiya #fohishalik