2024 yilda jinoyat sodir etgan mansabdor şaxslarning soni keskin oşgan. Bu haqda Boş prokuratura xabar bermoqda.

2024 yilda mansabdor şaxslarga nisbatan 3 821 ta jinoyat işi qözğatilgan. Ularda 4 906 nafar mansabdor şaxs javobgarlikka tortilgan.

2023 yilda mansabdor şaxslarga nisbatan 3 412 ta jinoyat işi qözğatilgan. Ularda 3 575 nafar mansabdor şaxs javobgarlikka tortilgan.

Ötgan yilda javobgarlikka tortilgan mansabdor şaxslarning mavqeyi quyidagiça bölgan:

  • respublika miqyosidagi xodimlar – 71 nafar;
  • viloyat miqyosidagi xodimlar – 410 nafar;
  • tuman (şahar) miqyosidagi xodimlar – 4 425 nafar.

2023 yilda jinoyat sodir etgan respublika miqyosidagi xodimlar soni 49 nafar, viloyat miqyosidagi xodimlar 267 nafar, tuman (şahar) miqyosidagi xodimlar 3 259 nafar bölgan.

Javobgarlikka tortilgan mansabdor şaxslar sodir etgan jinoyat turlari quyidagiça bölgan:

  • özganing mulkini özlaştiriş yoki rastrata yöli bilan talon-toroj qilganlar – 2 929 nafar (2023 yilda 2 205 nafar bölgan);
  • pora olgan va berganlar, pora oldi-berdisida vositaçilik qilganlar – 353 nafar (2023 yilda 195 nafar bölgan);
  • firibgarlik qilganlar – 447 nafar (2023 yilda 272 nafar bölgan);
  • mansab vakolatini suiiste’mol qilganlar – 226 nafar (2023 yilda 397 nafar bölgan);
  • hokimiyat yoki mansab vakolati doirasidan çetga çiqqanlar – 13 nafar (2023 yilda 30 nafar bölgan);
  • mansab soxtakorligiga yöl qöyganlar – 13 nafar (2023 yilda 36 nafar bölgan);
  • mansabga sovuqqonlik bilan qaraganlar – 40 nafar (2023 yilda 25 nafar bölgan);
  • boşqa jinoyatlarni sodir etganlar – 885 nafar (2023 yilda 415 nafar).