Ijtimoiy tarmoqlarda tarqalgan videolarda avtobusni ko‘tarish uchun texnikalar harakatlanayotgani ko‘rinadi.
Kun.uz manbalariga ko‘ra, YTH Samarqand viloyati Jomboy tumani hududida ro‘y bergan. Bir kishi vafot etgan.
Hodisaga avtobus haydovchisi sirpanchiq yo‘lda boshqaruvni yo‘qotgani sabab bo‘lgani taxmin qilinmoqda. YTH natijasida yo‘lda tirbandlik vujudga kelgan.
Ichki ishlar vazirligi YHXXning Kun.uz'ga ma’lum qilishicha, holat yuzasidan Samarqand viloyati IIB huzuridagi Tergov boshqarmasi tomonidan tergovoldi surishtiruv harakatlari olib borilmoqda.
“Tergovning yakuniy xulosasiga ko‘ra jamoatchilikka qo‘shimcha ma’lumot beriladi”, – deyiladi rasmiy axborotda.
IIV mas’uli jabrlanganlar yoki qurbonlar haqida ma’lumot bermadi.
So‘nggi ma’lumotlarga ko‘ra, avtobus Cobalt bilan to‘qnashgan. Avtobus yengil mashinaning holatini inobatga olmasdan tezlikni me’yoridan oshirib kelgani oqibatida tormozni keskin bosgan.
Samarqand YHXB hodisa oqibatida bir kishi o‘limini tasdiqladi – 68 yoshli erkak tibbiyot birlashmasida vafot etgan.
