Qiyoslashdan o‘tkazilishi lozim bo‘lgan o‘lchash vositalari ro‘yxati tasdiqlandi

Hujjat bilan Qiyoslashdan o‘tkazilishi lozim bo‘lgan o‘lchash vositalari turkumlarining ro‘yxati tasdiqlanmoqda. U quyidagi toifalarga turkumlangan 289 ta banddan iborat:

• geometrik kattaliklar o‘lchash vositalari;
• tekislikdan og‘ish interferension o‘lchash vositalari;
• mexanik kattaliklarni o‘lchash vositalari;
• modda oqimi, sarfi, sathi, hajmi parametrlarini o‘lchash vositalari;
• bosim o‘lchash, vakuumli o‘lchash vositalari;
• moddalarning fizik-kimyoviy tarkibi va xossalarini o‘lchash vositalari;
• issiqlik fizik va harorat o‘lchov vositalari;
• vaqt va chastota o‘lchash vositalari;
• elektr va magnit kattaliklarini o‘lchash vositalari;
• o‘zgarmas va o‘zgaruvchan toklar elektr energiyasini o‘lchash vositalari;
• radiotexnik va radioelektron o‘lchash vositalari;
• vibroakustik o‘lchash vositalari;
• optik va optika-fizikaviy o‘lchash vositalari;
• yadroviy konstantalarning ionlovchi nurlanish tavsiflarini o‘lchash vositalari;
• o‘lchash tizimlarining elementlari. 

Masalan, jismoniy shaxslarning tabiiy gaz, sovuq va issiq suv, shuningdek elektr energiyasi hisoblagichlarini qiyoslash davriyligi 96 oyni tashkil etadi (yuridik shaxslar uchun - 48 oy).

Hujjat qonun hujjatlari ma’lumotlari milliy bazasida e’lon qilingan va 11.02.2025 yildan kuchga kirdi.