Andijonda 11 yil avval sodir etilgan jinoyat fosh etildi

Jinoyatni sodir etganlikda gumonlangan shaxsning biri ushlangan, ikkinchisiga qidiruv e’lon qilingan.

Foto: Videodan kadr

Andijon viloyatida o‘tkazilgan tezkor tadbirda 11 yil avval sodir etilgan bosqinchilik jinoyati fosh etilgan. Bu haqda IIV axborot xizmati xabar bermoqda.

Ma’lum qilinishicha, 2014 yil 21 mayda Shahrixon tumani Bayroq mahallasida ikki nafar niqob kiygan shaxs pichoq va ov quroli bilan qurollanib fuqarolardan birining yashash xonadoniga bostirib kirgan.

Ular xonadon egasi va uning oila a’zolariga hujum qilib, ulardan pul talab qilgan. So‘ng agar huquqni himoya qilish organlariga murojaat qilsa o‘ldirib ketishini aytib uydan chiqib ketgan va yashiringan.

Qariyb 11 yildan so‘ng ushbu jinoyatni 1990 va 1993 yilda tug‘ilgan ikki shaxs sodir etgani aniqlanib, ularning biri qo‘lga olingan. Ikkinchi jinoyatchini qidirish ishlari olib borilmoqda.

Gumondor shaxsdan bosqinchilikni sodir etishda foydalanilgan ov miltig‘i daliliy ashyo sifatida olingan.

Tayyorlagan: Ғайрат Йўлдошев

#bosqinchilik #Andijon viloyati