Toshkent shahar hokimligi poytaxtda fuqaro itlar hujumidan so‘ng vafot etganini rad etdi

Ijtimoiy tarmoqlarda poytaxtda fuqaro itlar hujum qilishi oqibatida vafot etgani to‘g‘risida xabarlar tarqaldi. Shahar hokimligi bu ma’lumot haqiqatga to‘g‘ri kelmasligini bildirdi. Fuqaro o‘tkir yurak-qon tomir yetishmovchiligidan vafot etgan.

Foto: Ijtimoiy tarmoqlar

Bugun, 3 mart kuni, Qoraqamish mavzesining 2/4-kvartalida yashovchi 1966 yilda tug‘ilgan L.U. hayotdan ko‘z yumgan.

Ma’lum qilinishicha, o‘lim sababi — o‘tkir yurak-qon tomir yetishmovchiligi.

Tarqalayotgan mish-mishlarning aksiga o‘laroq, hech qanday itlar hujumi sodir bo‘lmagan, deyiladi xabarda.

"Shahar aholisini vahimaga tushmaslikka va noto‘g‘ri ma’lumotlarni tarqatmaslikka chaqiramiz. Faqat rasmiy manbalarga ishoning", deya ma’lumot berdi hokimlik