“Vahimaga tuşmang” - Kadastr agentligi yerlar xitoyliklarga sotilayotgani haqidagi miş-mişlarni rad etdi

“Şu örinda fuqarolarimizdan har xil aldovlarga uçmasliklarini, ijtimoiy tarmoq faollaridan esa yolğon va asossiz xabarlarni tarqatmaslikni sörab qolamiz”, – deyiladi xabarda.

“Yer bermoq – jon bermoq”

Kadastr agentligi uşbu vaziyatda jamoatçilikni tinçlantirişga urinayotganiga iqtisodçi Otabek Bakirov “Yer bermoq – jon bermoq” deya munosabat bildirdi. U turli spekulyatsiyalarni bir çetga yiğiştirib qöygan holda, xorijliklarga yer ajratiş bilan boğliq xavotirlarni töğri tuşuniş lozimligini ta’kidlagan.

“Albatta, Yer kodeksida çet ellik fuqarolar va yuridik şaxslar, fuqaroligi bölmagan şaxslar, çet el investitsiyalari iştirokidagi korxonalar yer uçastkalariga faqat ijara huquqi asosida ega bölişi mumkinligi belgilangan.

Ayni paytda tobora murakkablaşib borayotgan global realliklarda, yangi va yangi çaqiriqlar yaratayotgan xatarlar tölqinida bu mezon yetarli emasligini tuşuniş lozim. Ijtimoiy kayfiyat ham qabul qilişi qiyinlaşib boraveradi.

Şu ma’noda, 2021 yilda boşlangan Yer islohotining navbatdagi bosqiçlarida Yer uçastkasiga talabgor çet el investitsiyalari iştirokidagi korxona bölsa, uning kamida 51 foizi Özbekiston fuqarolariga bevosita yoki bilvosita tegişli bölişini nazarda tutuvçi, şuningdek, çet el yuridik şaxslari va çet el fuqarolarining yer uçastkalariga ijara huquqini keskin çeklovçi qoidalar kiritilişi zarur”, – deb yozdi Bakirov.

Uning ta’kidlaşiça, Yerga nisbatan xorijliklarga oid alohida qattiq qoidalar qator mamlakatlarda mavjud va umummilliy konsensus hisoblanadi. Yerga oid diskussiya investitsiya muhitiga salbiy ta’sir körsatişi mumkinligi haqidagi xavotirlar öringa ega emas, deydi iqtisodçi.

“Zero Özbekistonga kelayotgan soğlom investor, eng avvalo investitsiyalaridan foyda köriş maqsadida keladi, yer olib latifundistga aylaniş yo yer portfeliga ega böliş maqsadida emas. Qolaversa, investitsion muhitni (nafaqat xorijlik investorlarga, özbekistonliklarga ham) önlab boşqa omillar yomonlaştirmoqdaki, şu haqida qayğuriş örinliroq bölardi”, – deb yozdi u.

Oltin konlari va korxonalar

Avvalroq joriy yilning fevral oyida qimmatbaho metallarni oltin izlovçilar usulida qazib oliş uçun Navoiy viloyatidagi 31 ta yer qa’ri uçastkasi elektron auksion orqali 25,1 mlrd sömga sotilgani haqida xabar bergandik. Navoiyda oltin izlaşga investitsiya kiritayotganlar orasida xitoyliklar talaygina. Sotuvga qöyilgan 31 ta oltin maydonini özlaştiriş huquqini olgan 12 ta kompaniyaning aksariyatida ta’sisçilar qatorida kamida bir nafar xitoylikni köriş mumkin.

“Yer qa’ridan foydalaniş markazi” DM jamoatçilikda Navoiydagi 31 ta kon xitoyliklarga sotilgani haqida xavotirlar asossiz ekani haqida bayonot bilan çiqdi. Markaz oltin konlariga investitsiya kiritgan korxonalar qatorida Xitoy fuqarolariga töliq tegişli bölgan birorta ham korxona yöqligini bildirdi.

Keyinroq Toşkentdagi Magic city parkida xitoyliklar turli bayroqlarni kötarib miting ötkazgani jamoatçilikda savollar tuğdirdi. IIV bu miting ekanini rad etib, Huawei kompaniyasi xodimlarining jamoaviy yuguriş aksiyasi ekanini ma’lum qildi. Vazirlik öz bayonotida bu aksiyani “bizning ham idora va taşkilotlar örnak olsa arziydigan tadbir” deb atadi.

2025 yil 1 fevral holatiga, Özbekistonda xorijiy kapital iştirokidagi kompaniyalar soni böyiça Xitoy birinçi öringa çiqdi. Bir yil davomida Özbekistondagi Xitoy kompaniyalari soni qariyb 43 foizga köpayib, 3 467 taga yetgan.