Britaniya konsorsiumi O‘zbekistonda transport va energetikada qo‘shma loyihalarni amalga oshiradi

Jyerom Frost Arup kompaniyasi O‘zbekiston tomoni bilan sermahsul hamkorlik qilib kelayotgani va shu kungacha respublikada 15 ta xususiy va davlat sektoridagi mijozlar bilan 30 dan ortiq loyihalarni muvaffaqiyatli amalga oshirganini ma’lum qildi.

Arup kompaniyasi tomonidan Samarqand turizm markazi, shu jumladan, Kongress-holl va 8 ta mehmonxona, "Toshkent Siti" ishbilarmonlik hududidagi Kongress-holl va Hilton mehmonxonasi, O‘zbekiston milliy kutubxonasi, shuningdek, bir qator transport va energetika infratuzilmalarini qurish bo‘yicha loyihalash va muhandislik xizmatlari ko‘rsatilgan.

Konsorsium boshqaruv raisi Jyerom Frost kompaniya O‘zbekiston bilan hamkorlikni kengaytirishdan manfaatdor ekanini tasdiqladi.

Suhbat davomida, shuningdek, kelgusidagi rejalar va yangi loyihalar xususida fikr almashildi.

Uchrashuv yakunida Arup kompaniyasi bilan hamkorlikda mamlakatda yirik inshootlarni, shu jumladan, transport va energetika sohalarida qo‘shma loyihalarni amalga oshirish bo‘yicha kelishuvga erishildi.