Hafta oxirida havo iliq bo‘lishi kutilmoqda

O‘zbekistonda dam olish kunlari iliq va quruq ob-havo saqlanib turadi. Harorat kechalari +4…+9, kunduz kunlari +17…+25 daraja atrofida bo‘ladi.

Foto: Kun.uz

14–16 mart kunlari O‘zbekiston bo‘yicha iliq va quruq ob-havo saqlanib turadi, deya xabar bermoqda O‘zgidromet agentligi.

Havo harorati asosan kechalari +4…+9 daraja, kunduz kunlari +17…+22 daraja, janubda va cho‘l hududlarda +25 darajagacha bo‘ladi. Shamol sharqdan 7–12 metr/soniya tezlikda esadi.

Toshkent shahrida juma va dam olish kunlari havo kam bulutli bo‘ladi, yog‘ingarchilik kutilmaydi. Shamol sharqdan birozdan o‘rtacha tezlikkacha esadi. Harorat kechalari +7…+9 daraja, kunduz kunlari +19…+22 daraja bo‘ladi.