Panamada energiya ta’minoti blekautdan so‘ng tiklandi

Panamada 16 mart, yakshanba kuni butun mamlakat bo‘ylab uzilishdan bir necha soat o‘tib elektr energiyasi qayta tiklandi. Xususiy elektr generatorida ro‘y bergan portlashdan so‘ng milliy elektr tarmog‘i xavfsizlik nuqtayi nazaridan to‘xtatildi, deb tushuntirdi Panama prezidenti Xose Raul Mulino X ijtimoiy tarmog‘ida. «Asta-sekin xizmat ko‘rsatish tiklanadi. Tinchlaning», deb yozdi u. Portlashning aniq sabablari oshkor etilmagan.

Elektr ta’minotidagi uzilish, o‘z navbatida, taxminan 4,5 million aholiga ega bo‘lgan mamlakat bo‘ylab suv tozalash inshootlari va quduqlarning ishlashiga ta’sir qildi, deb xabar beradi IDAAN milliy agentligi.

Panama prezidenti mamlakat aholisini xotirjamlikka chaqirishdan biroz avval sodir bo‘lgan voqeadan noroziligini bildirdi. «Buni oqlab bo‘lmaydi. Xabarlarga ko‘ra, zarar juda katta. Men energetika vaziridan dushanba kuniga qadar hisobot taqdim etishini so‘rayman. Bunday yomon xizmat ko‘rsatishga chidab bo‘lmaydi», — deb yozgan Mulino.

Keyinroq davlat rahbari portlash sodir bo‘lgani taxmin qilingan joyning videosi bilan bo‘lishdi: tungi osmonda yorug‘lik chaqnashlari va tutun buluti ko‘ringan.