Pashinyan Armanistonning yangi konstitutsiyasi bo‘yicha referendum muddatini ma’lum qildi
Armaniston konstitutsiyasi Boku bilan tinchlik shartnomasi tuzilganligi sababli o‘zgartirilishi mumkin. Asosiy qonunda «Armaniston SSR va Tog‘li Qorabog‘ni birlashtirish to‘g‘risida»gi rezolyutsiyaga havola bor – Yerevan uni Ozarboyjon hududi deya tan oldi.

Foto: AP
Armanistonda yangi konstitutsiyani qabul qilish bo‘yicha referendum 2027 yilga mo‘ljallangan, dedi bosh vazir Nikol Pashinyan jamoat televideniyesiga bergan intervyusida.
«Biz yangi konstitutsiyani qabul qilish yo‘lidan boramiz. 2027 yilda referendum o‘tkazishni rejalashtirganmiz», — dedi u.
O‘tgan yilning sentabrida siyosatchi Armaniston Ozarboyjon bilan tinchlik shartnomasini tuzish uchun konstitutsiyani o‘zgartirishga tayyorligini aytgan edi. Uning qayd etishicha, agar Armaniston Konstitutsiyaviy sudi hujjatni mamlakat asosiy qonuniga zid deb topsa, bu sodir bo‘lishi mumkin. Keyin oxirgisini o‘zgartirish kerak bo‘ladi.
Ozarboyjon bilan tinchlik o‘rnatilishi munosabati bilan Armaniston konstitutsiyasiga o‘zgartirishlar kiritish asosiy qonunning muqaddimasi tufayli talab qilinishi mumkin. Unda 1990 yildagi Armanistonning mustaqillik deklaratsiyasiga havola mavjud bo‘lib, unda «Armaniston SSR va Tog‘li Qorabog‘ni birlashtirish to‘g‘risida»gi rezolyutsiyaga havola bilan xalqlarning o‘z taqdirini o‘zi belgilash huquqi to‘g‘risidagi ibora mavjud. 2023 yil sentabridan buyon, harbiy operatsiyadan so‘ng bu hudud Boku nazoratiga o‘tdi va uning aksariyat aholisi – etnik armanlar Qorabog‘ni tark etdi.
Intervyuda Pashinyan Boku bilan kelishuv mavzusiga to‘xtaldi. Uning so‘zlariga ko‘ra, hozirda kelishuvning har ikki tomon uchun maqbul varianti mavjud. Ozarboyjon va Armaniston sovet respublikalari chegaralarida bir-birining hududiy yaxlitligini tan oldi. Bosh vazir ushbu hujjatni imzolashga tayyorligini bildirdi. Shartnoma tuzilgach, uni ommaga oshkor qilish rejalashtirilmoqda, dedi Pashinyan.
«Tinchlik shartnomasining kelishilgan matnida Ozarboyjon uchun ham, biz uchun ham bir tomonlama majburiyatlar mavjud emas», dedi u.
Tavsiya etamiz
Bozor – go‘sht narxi haqida: “Yem-xashak qimmat, mol boqish oson bo‘lmay qoldi”
O‘zbekiston | 17:00 / 27.05.2025
Poytaxt bosh rejasi interaktiv xaritada: unda nimalar aks etgan?
O‘zbekiston | 14:30 / 27.05.2025
“Viza berishni osonlashtirish haqida gap-so‘z yo‘q” – AQSh elchixonasi
O‘zbekiston | 19:28 / 26.05.2025
Makron Vetnamga tashrifi chog‘ida rafiqasidan shappati yedi
Jahon | 16:40 / 26.05.2025
So‘nggi yangiliklar
-
O‘zbekiston va Xitoy nasos-akkumulyatorli gidroelektr stansiyalarini qurishi mumkin
O‘zbekiston | 11:02
-
AQSh muzokaralarga xalaqit bermaslik uchun Rossiyaga qarshi sanksiyalar kiritmayapti
Jahon | 10:30
-
«Jasorat maktablari»ga o‘quvchilarni qabul qilish tartibi tasdiqlandi
O‘zbekiston | 10:10
-
«Vakolat muddatim tugamoqda». Mask davlat ishidan ketishini e’lon qildi
Jahon | 09:50
Mavzuga oid

21:45 / 22.04.2025
Armaniston parlamentida deputatlar janjallashib ketdi

07:43 / 21.04.2025
O‘zbekiston xokkey milliy jamoasi jahon chempionati III divizioniga chiqdi

17:09 / 26.03.2025
Armaniston parlamenti YeIga qo‘shilishni boshlash to‘g‘risidagi qonunni qabul qildi

20:21 / 13.03.2025