The Economist: Alyaskadagi orol aholisi Rossiya bosib olishidan xavotirlanib, rus tilini o‘rganmoqda

Alyaskadagi Kichik Diomid oroli aholisi Rossiya ushbu hududni qo‘shib olishidan xavotirlanib, rus tilini o‘rganishni boshladi. Bu haqda Rossiyaning eng sharqiy nuqtasi — Ratmanov orolidan 3,5 kilometr uzoqlikda joylashgan mazkur hududga borgan The Economist jurnalistlari ma’lum qildi.

Kichik Diomidda yashovchi 100 ga yaqin odamlarning kundalik hayotini tasvirlagan jurnal orolni Rossiya va AQSh o‘rtasidagi «Arktika jangining oldingi chizig‘i» deb atagan.

«Orolning ba’zi aholisi Rossiya qachondir uni qo‘lga kiritishidan xavotirlanib, rus tilini o‘rganmoqda», — deyiladi xabrada. 

Qishdan bir oroldan ikkinchisiga muz ustida harakatlanib yarim soatda yetib olish mumkin. Oldinlari odamlar shunday qilgan ham, ayniqsa, sovuq urush boshlangunga qadar. Endi esa ikki davlat o‘rtasidagi vaziyat keskinlashgani sabab bunday aloqalar butunlay to‘xtab qolgan, aholi bir-birini uzoqdan kuzatadi xolos.

«Biz ularni kuzatamiz, ular esa bizni», — deydi Kichik Diomidda yashovchi Edvard ismli fuqaro. 

Shu bilan birga, mahalliy aholi Kichik Diomid sekinlik bilan — yiliga 1-2 metr Rossiya oroli tomon harakatlanayotganini ta’klamoqda. «Orollar nimanidir to‘g‘irlashga urinmoqda. Balki ular bir-birini yaxshi ko‘rar?», — deydi mahalliy aholidan biri.