Transport vazirligi Qozog‘iston orqali harakatlanayotgan haydovchilarni ogohlantirdi

Haydovchilar yo‘l harakati qoidalariga qat’iy amal qilishga chaqirildi.

Foto: Migratsiya agentligi

Transport vazirligi Qozog‘iston orqali tranzit harakatlanayotgan o‘zbekistonlik haydovchilarga murojaat qildi.

Qayd qilinishicha, O‘zbekiston fuqarolari Qozog‘iston hududiga kirishda taqiq borligi sababli muammolarga duch kelmoqda. Qozog‘istonda yo‘l harakati qoidalarini buzganligi uchun ma’muriy chora ko‘rilgan va jarima belgilangan, ammo jarimani to‘lamagan haydovchilarga nisbatan taqiq qo‘yilgan.

Ular Qozog‘istonning «Kaspi bank» onlayn tizimi orqali jarimani to‘lagandan so‘ng, taqiqni olib tashlash bo‘yicha choralar ko‘riladi.

Transport vazirligi haydovchilarni yo‘l harakati qoidalariga qat’iy amal qilishga chaqirdi.