Uzbekistan Airways aviakompaniyasi «Haj-2025» dasturi doirasida Saudiya Arabistoniga charter yo‘lovchi aviaqatnovlarini amalga oshirishni boshlashi haqida xabar berdi.
Qayd qilinishicha, 13-28 may kunlari haj amallarini bajarish uchun jo‘nab ketayotgan ziyoratchilar mamlakatning sakkizta hududiy xalqaro aeroporti – Toshkent, Samarqand, Namangan, Qarshi, Termiz, Navoiy, Urganch va Nukus shaharlaridan Madina shahriga yetkaziladi. Joriy yilda Uzbekistan Airways 6267 nafar ziyoratchi tashuvini amalga oshiradi.
Jiddadan Toshkent va O‘zbekistonning boshqa shaharlariga ortga qaytuvchi aviaqatnovlar 12-29 iyun kunlari amalga oshirilishi rejalashtirilgan. Mazkur bosqichda 15150 nafar ziyoratchi tashuvini amalga oshirish rejalashtirilgan.
Avvalroq, O‘zbekiston musulmonlari diniy idorasi Haj-2025 mavsumining qachon boshlanishi haqida xabar bergan edi.
