Ramzon Qodirov o‘zini Checheniston rahbari lavozimidan ozod etishni so‘raganini aytdi

«Boshqa rahbarda o‘z tashabbusi, o‘z qarashlari bo‘ladi. Umid qilamanki, iltimosim qo‘llab-quvvatlanadi», dedi u.

Foto: Reuters

Rossiyaning Checheniston Respublikasi rahbari Ramzon Qodirov o‘z lavozimidan ozod etilishini so‘raganini ma’lum qildi. Bu haqda «Chechnya segodnya» xabar berdi.

Jurnalistlar respublika rahbaridan uning iste’foga chiqishi haqidagi mish-mishlar haqida so‘rashdi.

«Men ham bu mish-mishlarni eshitdim. Ular har xil narsalarni yozadilar. Aksincha, men lavozimimdan bo‘shatishni o‘zim so‘radim. Boshqa rahbarda o‘z tashabbusi, o‘z qarashlari bo‘ladi. Umid qilamanki, iltimosim qo‘llab-quvvatlanadi», dedi u.

Checheniston rahbari bu so‘zlarni jiddiy aytganmi yoki hazillashganmi, ma’lum emas.

Ramzon Qodirov 2007 yilning 5 aprelida respublika rahbari bo‘ldi. U o‘z lavozimini Rossiyadagi boshqa hududlar rahbarlaridan ko‘ra uzoq vaqt davomida egallab kelmoqda. Checheniston rahbarining so‘nggi saylovi 2021 yil sentabrida bo‘lib o‘tgan. Markaziy saylov komissiyasi ma’lumotlariga ko‘ra, u 99,7 foiz ovoz olgan. Qodirovning prezidentlik muddati 2026 yilda tugaydi.

#Rossiya #Checheniston #Ramzon Qodirov