Sifatsiz benzinni sotuvga chiqargan AYoQShga 75 mln so‘m jarima qo‘llandi

«O‘zenergoinspeksiya» Farg‘ona viloyat hududiy boshqarmasi tomonidan nazorat tadbir o‘tkazildi.

Foto: O‘zenergoinspeksiya

Unda, Quvasoy shahrida joylashgan «M.» MChJga qarashli AYoQSh tomonidan sotilayotgan AI-80 va AI-92 markali avtobenzindan namunalar olinib, laboratoriyada tahlil qilinganda davlat standart talablariga mos kelmasligi aniqlandi.

Ushbu qoidabuzarlik natijasida O‘zbekiston Respublikasi 940-sonli qonunining 43-moddasi bo‘yicha hisob-kitob qilinib, 75 million so‘m miqdorida (realizatsiya qilingan neft mahsuloti qiymatining 50 foizi miqdorida) jarima qo‘llandi.

Mazkur holat yuzasidan qoidabuzarlikka yo‘l qo‘ygan ushbu AYoQShda aniqlangan qoldiq saqlanayotgan sifatsiz neft mahsulotlarini sotuvga chiqarmaslik va sifatini qayta tiklash lozimligi bo‘yicha ko‘rsatma berildi.