Muloqot davomida O‘zbekiston–Pokiston o‘rtasidagi savdo-iqtisodiy munosabatlarni yanada jadallashtirish, o‘zaro eksport va import hajmini oshirish kabi masalalar muhokama qilindi.
"O‘zbekiston rahbarining Markaziy va Janubiy Osiyoni qayta bog‘lash tashabbusi so‘nggi 10 yildagi strategik ahamiyatga ega yirik mintaqaviy voqelik hisoblanadi. Ikki mintaqa xalqlari manfaatiga yo‘naltirilgan loyihalarda ishtirok etish biz uchun faxr", – dedi Xalid Avan.
Shuningdek, suhbat chog‘ida Karachidan Toshkent va Samarqandga kargo parvozlarni yo‘lga qo‘yish dasturi ustida ishlanayotgani, ichki tashkiliy masalalar hal qilinishi bilan ushbu loyiha amaliyotga tatbiq etilishi ma’lum qilindi.
Uchrashuv yakunida O‘zbekiston Savdo-sanoat palatasi va TCS transport-logistika va kurerlik kompaniyasi o‘rtasida hamkorlik memorandumi imzolandi.
