768 mln so‘mlik gazdan noqonuniy foydalangan nodavlat ta’lim muassasasi aniqlandi

O‘zenergoinspeksiya Buxoro viloyati hududiy boshqarmasi, viloyat prokuraturasi va gaz ta’minoti korxonasi hamkorligida nazorat tadbiri o‘tkazildi.

Unda, Jondor tumanida joylashgan «A.» nodavlat ta’lim muassasasiga qarashli gaz qurilmalar baypas yo‘li bilan tarmoqqa ulanib, tabiiy gazdan noqonuniy foydalanilgani aniqlandi.

Ushbu qoidabuzarlik natijasida, dastlabki hisob-kitoblarga ko‘ra, gaz ta’minoti korxonasiga 768 million so‘mlik zarar yetkazilgani ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.