Rossiyada amaldorlarga Max davlat messenjeriga o‘tish uchun bir oy vaqt berildi

Rossiyada hokimiyat organlari xodimlariga Max davlat messenjerida akkaunt yaratish va undan o‘z ishlarida faol foydalanish tavsiya etildi. Bu haqda «Vedomosti» gazetasi turli federal okruglarning mintaqaviy ma’muriyatiga yaqin sakkiz manbasiga tayanib xabar berdi. «Ayrim hududlarda mansabdor shaxslarga 1 avgustgacha, qayerdadir yoz oxirigacha akkaunt ochish tavsiya qilingan. Ko‘pchilik o‘z ish tezligiga amal qiladi», deyiladi maqolada.

Gubernatorlar, mintaqaviy hukumatlari a’zolari, saylov komissiyalari rahbarlari, senatorlar, Davlat dumasi deputatlari, parlament a’zolari, merlar va boshqa hukumat amaldorlariga davlat messenjerini o‘rnatish tavsiya etildi, deydi manbalardan biri. Boshqasiga ko‘ra, barcha darajadagi mintaqaviy va munitsipal amaldorlar Max'ga o‘tishi kerak. Yana bir manbaning xabar berishicha, kelajakda viloyatdagi Max foydalanuvchilari soni hokimlar KPI ro‘yxatiga mezon sifatida kiritiladi.

Xizmatlari allaqachon shunday o‘tishni amalga oshirgan birinchi Rossiya hududi — Sankt-Peterburg, deb ta’kidlaydi «Vedomosti». Shunday qilib, Max'da «Slujba 112 Sankt-Peterburga» va "Informatsionno-spravochnaya slujba Sankt-Peterburga "122" akkauntlari yaratildi.

Rossiya Federatsiyasining olti viloyatidagi ta’lim muassasalari 1 sentabrdan Max davlat messenjerida muloqotga o‘tadi. Tajribaviy loyihaga Tatariston, Mari El va Oltoy respublikalari, shuningdek, Xanti-Mansiysk avtonom okrugi, Vladimir va Tver viloyatlari kiradi, deb yozadi «Kommersant» gazetasi.