Kun.uz’ga murojaat qilgan fuqaroga köra, ADWorld firmasi har bir odamdan salkam 6 mlndan 26 mln sömgaça pul olgan, ammo şartnomaviy xizmatlarni körsatmagan. Tölovni qaytarişning esa imkoni bölmayapti. Raqobat qömitasiga köra, avvalroq bu firmaga huquqiy çora körilgan.
Yevropa davlatlariga işga jönatiş, viza olişda yordam qilişni va’da qiluvçi firma köplab odamlarni çuv tuşirgani aytilmoqda.
Tarmoqlarda tarqalgan videolarga köra, maşhur blogerlar yordamida özini reklama qilib, mijozlarni töplagan ADWorld firmasi kişi boşiga salkam 6 mlndan 26 mln sömgaça tölov qildirgan, ammo bu tölovga yaraşa şartnomaviy xizmatlarini körsatmagan. Fuqarolar pullarini qaytarib ololmayotganidan norozi.
“5 oydan beri sarson bölib yuribmiz, pullarimizni ham qaytarişmayapti, Yevropaga viza ham qilib bera olişmadi. Bu firmadagilarning ofisidagi hamma narsasini yiğiştirib olib çiqib ketyapmiz”, – deydi videomurojaat yöllaganlardan biri.
Ayni vaqt maşhur blog yurituvçi tomonidan ADWorld reklama qilingan video firmaning instagram sahifasidan öçirib taşlangan. Kun.uz şu firmadan şikoyat qilgan fuqarolardan biri bilan boğlandi. Uning aytişiça, aldanganlar yuz nafardan ortiq.
"Bu kompaniya bizga viza, aviaçiptalar va iş joylarini va’da qilgan. Işçilar “100% kafolat”, “vizasiz pul qaytadi” deb aytişgan. Ayrim bloggerlar bu kompaniyani işonçli deb tarğib qilgan. Ammo oradan oylar ötdi, viza ham yöq, xizmat ham yöq, pullar ham qaytarilmadi.
Biz bu masalada 2025 yil 27 iyunda Toşkent şahridagi ADWorld ofisiga borib, 102 raqamiga murojaat qildik. Kompaniya vakili Fayzulloh degan yigit yozma majburiyat xatini yozib berdi: "Iyul oyida hammaning pulini qaytaramiz", dedi.
Lekin iyulda yana aldaş davom etdi. Endi 31 iyulga qoldirişdi. Hozir esa yana bahona “kutinglar” deyişmoqda. Ayrimimiz Jizzaxdagi huquqni muhofaza qiluvçi organlarga ariza berdik, ayrimlar 102ga qönğiroq qildik, lekin hozirgaça heç qanday natija yöq.
Bizning umumiy zararlangan summa 60–70 million sömdan oşgan. Bu faqat biz bilgan odamlar. Yana qança fuqaro aldanayotganini bilmaysiz", – deydi tahririyatga murojaat qilgan jizzaxlik fuqaro.
ADWorld firmasi haqida Kun.uz'ning instagram sahifasida video e’lon qilingaç, firma rahbari Dilmurod Yusupov Kun.uz bilan boğlanib, uni öçirib taşlaşni söradi. Uning aytişiça, holat xato talqin qilingan. Hozirda jabrlanganlarga tölov summalarini qoplab beriş jarayoni ketmoqda. Ammo Yusupov ularning soni va zarar summalari qança ekanini oçiqlaşni istamadi.
Raqobatni rivojlantiriş va iste’molçi huquqlarini himoya qiliş qömitasi 18 iyun xorijda işlaş va öqiş uçun “oson” borişni va’da qilayotgan talaygina konsalting firmalardan ehtiyot bölişni ma’lum qilgan.
Xususan, Yevropaning Irlandiya, Angliya, Daniya, Norvegiya kabi davlatlariga işga yuboriş töğrisida e’lonlar berib, fuqarolarga konsalting xizmatlari emas, aynan xorijga işga joylaştiriş böyiça xizmatlarni körsatiş bilan şuğullanib kelayotgan firmalar qatorida ADWorldʼga ham huquqiy çoralar qöllangan.
