Qoʻshimcha funksionallar
-
Tungi ko‘rinish
Tramp Putinni Ukraina bo‘yicha muzokaralarga majburladi – Hegset
AQSh mudofaa vazirining ta’kidlashicha, muzokaralar bosqichida hududlar almashinuvi bo‘lishi mumkin va ehtimol shunday bo‘ladi.
AQSh prezidenti Donald Tramp Kreml rahbari Vladimir Putin bilan Ukraina bo‘yicha ehtimoliy tinchlik kelishuvi uchun sharoit yaratdi, biroq hech kimga yoqmaydigan ba’zi yon berishlar bo‘ladi. Bu haqda AQSh mudofaa vaziri Pit Hegset Fox News efirida ma’lum qildi.
«Tramp allaqachon o‘yin qoidalarini o‘zgartirdi. U mojaroni tinch yo‘l bilan hal qilish uchun sharoit yaratdi, buni boshidanoq istagan edi», dedi u va agar bosim bo‘lmaganida, Putin uchrashuvga rozi bo‘lmasligini qo‘shimcha qildi.
Pentagon rahbarining ta’kidlashicha, muzokaralar bosqichida hududlar almashinuvi bo‘lishi mumkin va ehtimol shunday bo‘ladi.
«Hech kimga yoqmaydigan ba’zi yon berishlar bo‘ladi, ammo Tramp buni uddalaydi», deb ta’kidladi Hegset.
Tramp va Putin 15 avgust kuni Alyaskada uchrashishi kerak. Ular Rossiyaning Ukrainaga qarshi urushini to‘xtatishni muhokama qilishi kutilmoqda.
10 avgust kuni AQSh vitse-prezidenti Jyeyms Vens Ukraina prezidenti Volodimir Zelenskiy va Rossiya prezidenti Vladimir Putinning uchrashuvini tashkil etish ustida ishlayotganini ma’lum qildi.
«AQSh urushning tugashini muhokama qilish uchun uchrashish vaqtini kelishib olish jarayonida», dedi u.
Mavzuga oid
21:33
Xitoyning o‘nlab kompaniyalari Pentagonning qora ro‘yxatiga kiritildi
18:31
AQSh sayyohlik va biznes vizalari uchun tezkor suhbat bo‘yicha pullik xizmatni yo‘lga qo‘yadi
15:12
Amerika biznesi O‘zbekiston loyihalariga qiziqishni kuchaytirmoqda - Saida Mirziyoyeva
13:13