Ukrainaning xavfsizlik kafolati uchun Yevropa to‘lashi kerak – AQShning NATOdagi vakili

AQShning NATOdagi vakili Mettyu Uitaker Fox News telekanaliga bergan intervyusida Ukraina uchun xavfsizlik kafolatlarini Yevropa ta’minlashi kerakligini aytdi.

«Ukraina mustahkam tinchlikka erishish uchun unga xavfsizlik kafolati kerakligini tushunib turibdi. Va buni yevropaliklar ta’minlashi hamda ular tomonidan to‘lanishi kerak»,— dedi Uitaker.

Bugun Vashingtonda AQSh prezidenti Donald Tramp va Ukraina prezidenti Volodimir Zelenskiy uchrashuvida xavfsizlik kafolatlari muhim mavzulardan biri bo‘ladi.

Uitakerning so‘zlariga ko‘ra, xavfsizlik kafolatlari Ukrainaga AQSh qo‘shinlari jo‘natilishini anglatmaydi.