Qoʻshimcha funksionallar
-
Tungi ko‘rinish
Migratsiya agentligining ikki xodimi Koreyaga yuborish uchun 700 ming dollar olgan - DXX
Migratsiya agentligining Namangan viloyatidagi bosh mutaxassisi odamlarning ishonchiga kirib, Koreyaga ishga yuborish va’dasi bilan 41 ming dollar olgan vaqtida qo‘lga tushdi. Keyinroq bu pulning bir qismi agentlik markaziy apparati xodimiga yetib bordi va u ham jinoyat ustida ushlandi. Jinoiy guruh o‘tgan yili 80 dan ortiq odamdan 700 ming dollardan ortiq pul olib, ularni sarson qilib yurgani aytilmoqda.
Foto: Davlat xavfsizlik xizmati
Pul evaziga Koreyaga ishga yuborish bilan shug‘ullangan Migratsiya agentligi xodimlariga jinoyat ishi qo‘zg‘atildi, deya xabar bermoqda Davlat xavfsizlik xizmati.
Ma’lum qilinishicha, Vazirlar Mahkamasi huzuridagi Migratsiya agentligining Namangan viloyati filiali bosh mutaxassisi xizmat mavqeyidan foydalangan holda, aldov yo‘li bilan bir guruh fuqarolarning ishonchiga kirib, ularni Janubiy Koreyaga ishga yuborish evaziga 41 ming dollar olgan vaqtida ashyoviy dalillar bilan ushlangan.
Tergovga qadar tekshiruv davomida, u mazkur noqonuniy faoliyatni Migratsiya agentligi markaziy apparatining bosh mutaxassisi bilan birgalikda amalga oshirishi aniqlanib, tezkor tadbir davom ettirilgan va agentlikning ushbu mas’ul xodimi ham yuqoridagi pul mablag‘idan 15 ming dollarini olgan vaqtida, jinoyat ustida qo‘lga olingan.
“Migratsiya agentligining mazkur xodimlari 2024 yilda 80 nafardan ortiq fuqarolarni Koreya davlatiga yuborish uchun 700 ming AQSh dollaridan ortiq pul mablag‘larini olib, hozirga qadar ularni sarson qilib yurganliklari ma’lum bo‘ldi”, – deyiladi xabarda.
Qayd etilishicha, holat yuzasidan DXX Tergov boshqarmasi tomonidan Jinoyat kodeksining 168- va 28,211-moddalari bilan jinoyat ishi qo‘zg‘atilib, jinoiy guruhning qolgan a’zolarini aniqlash choralari ko‘rilmoqda.
- Fuqarolar xorijga ishga yuborish bilan bog‘liq shubhali takliflar yuzasidan DXXning koll-markaziga 1520 qisqa telefon raqami orqali murojaat qilishi mumkin.
Mavzuga oid
22:21 / 02.12.2025
Yevropa diplomatiyasi sobiq rahbari Federika Mogerini qo‘lga olindi
18:14 / 30.11.2025
Netanyahu Isroil prezidentidan korrupsiya ishi bo‘yicha afv so‘radi
20:41 / 28.11.2025
Ukraina prezidenti ofisi rahbari Andrey Yermak korrupsiya mojarosi ortidan iste’foga chiqdi
22:12 / 27.11.2025