Donald Tramp JARdagi G20 sammitida qatnashmaydi

AQSh prezidenti Donald Tramp 5 sentabr, juma kuni Janubiy Afrikada 22 va 23 noyabr kunlari bo‘lib o‘tadigan G20 sammitida qatnashmasligini ma’lum qildi. AQSh vitse-prezidenti Jyey Di Vens G20 sammitida Oq uy rahbari o‘rniga qatnashadi.

Trampning so‘zlariga ko‘ra, 2026 yilgi G20 sammiti dekabr oyida o‘zining Mayami yaqinidagi Doral shahridagi golf klubi va kurortida bo‘lib o‘tadi.

«Ha, u Doralda bo‘lib o‘tadi. Hamma uning o‘sha yerda bo‘lishini xohlaydi, chunki u aeroport yonida, eng yaxshi joy, go‘zal», — deya AQSh prezidentining so‘zlarini keltiradi AFP. Respublikachi uchrashuv tashkil etishdan pul ishlamasligini ta’kidladi. «Bu shartnoma pulga bog‘liq emas», dedi u.

Tramp, shuningdek, AQShda bo‘lib o‘tadigan G20 sammitida Rossiya prezidenti Vladimir Putin va Xitoy rahbari Si Jinpingni qabul qilishdan xursand bo‘lishini aytdi.