Ozarboyjon kompaniyasi O‘zbekistonda neft konini o‘zlashtirishga kirishdi

SOCAR O‘zbekistonda neft konini o‘zlashtirishga kirishdi. Bu haqda Ozarboyjon prezidenti Ilhom Aliyev 22 avgust kuni Turkmanboshi shahrida O‘zbekiston prezidenti va Turkmaniston xalq maslahati raisi bilan bo‘lib o‘tgan uch tomonlama uchrashuvda ma’lum qildi", – deb yozilgan maqolada.

Maqolada Ozarboyjon prezidentining mazkur loyiha haqidagi fikrlaridan quyidagi iqtibos keltirilgan: "Turkmaniston bilan an’anaviy energetika sohasidagi hamkorligimiz mavjud. O‘zbekiston bilan ham ushbu sohaga kirdik. Bizning SOCAR davlat neft kompaniyamiz O‘zbekistonda neft konini o‘zlashtirishni boshladi, shartnoma allaqachon imzolangan".

Shuningdek, nashrda Ozarboyjon yaqin yillar ichida ish natijalari haqida "yaxshi yangilik" kutayotgani haqida ham ta’kidlangan.

"Loyiha qiymati 2 milliard dollarga baholanmoqda. Yaqin besh yil ichida loyiha operatori sifatida ish olib boradigan SOCAR kamida 1000 kv km maydonda 3D seysmik qidiruv ishlarini o‘tkazadi va kamida bitta quduq burg‘ilaydi. Agar sanoat miqyosidagi kon topilsa, tomonlar uni o‘zlashtirishga kirishadi. Prognozlarga ko‘ra, zaxiralar 100 million tonnagacha neft va 35 milliard kub metr gazni tashkil etishi mumkin", – deb yozilgan materialda.