Salexard sudi Navalniyning onasi shikoyatini qanoatlantirishdan bosh tortdi

Salexard shahar sudi qamoqda vafot etgan muxolifatchi Aleksey Navalniyning onasiga qotillik bo‘yicha jinoiy ish ochish haqidagi arizasini rad etdi. «Sud ish ochishdan bosh tortish «uning huquq va manfaatlariga daxl qilmasligini» aytib, shikoyatini qanoatlantirmadi», deb yozdi siyosatchining bevasi Yuliya Navalnaya 16 sentabr, seshanba kuni ijtimoiy tarmoqda.

Uning aytishicha, oilasi Navalniy o‘limining ertasiga – 2024 yilning 17 fevralida ish ochilishini talab qila boshlagan va bir necha bor rad etilgan. Siyosatchining onasi Lyudmila Navalnaya rad javobi ustidan sudga shikoyat qildi.

Muxolifatchi siyosatchi, Korrupsiyaga qarshi kurash fondi asoschisi Aleksey Navalniy 2024 yil 16 fevralda Rossiya Federatsiyasining Yamalo-Nenets avtonom okrugidagi Xarp posyolkasdagi «Polyarnyy volk» maxsus rejimli koloniyasida vafot etdi. Muxolifat yetakchisi tarafdorlari u o‘ldirilganini da’vo qilmoqda.

Navalniy 1 mart kuni Moskvadagi Borisovskoye qabristoniga dafn qilindi. U bilan xayrlashish uchun minglab odamlar keldi.