Donald Tramp "Antifa"ni terroristik tashkilot deb atadi

AQSh prezidentining so‘zlariga ko‘ra, "Antifa" «kasallangan, xavfli, radikal so‘l falokat»dir. Donald Tramp harakatni moliyalashtirish manbalarini tekshirishni tavsiya etishga va’da berdi.

Foto: REUTERS

AQSh prezidenti Donald Tramp «Antifa» harakatini «yirik terrorchi tashkilot» deb e’lon qilishga tayyorlanayotganini ma’lum qildi. U bu haqda o‘zining Truth Social ijtimoiy tarmog‘idagi akkauntida e’lon qildi. Postda aytilishicha, "Antifa" «kasallangan, xavfli, radikal so‘l falokat».

AQSh prezidenti "Antifa"ni moliyalashtirgan shaxslarni «yuqori huquqiy standartlar va amaliyotlarga muvofiq» tekshirishni «qattiq tavsiya etishini» qo‘shimcha qildi.

Bir qancha ommaviy axborot vositalarining yozishicha, Tramp bu haqda AQShda siyosiy faol Charli Kirkning o‘ldirilishidan ko‘p o‘tmay aytgan. Kirk amerikalik o‘ng vakillar yangi avlodining ovozi va Donald Trampning yaqin hamkori hisoblangan.

Tramp avvalroq "Antifa"ni terrorchi tashkilot sifatida belgilash niyati borligini birinchi prezidentlik davrida Black Lives Matter noroziliklari chog‘ida e’lon qilgan edi.