Vazirlar Mahkamasining 4-sentabrdagi 562-sonli qaroriga asosan O‘zbekistonda “chiroyli” avtoraqamlarni sotib olish xizmati ishga tushdi.
Hozirda xizmatdan Safe Road YHXX ilovasi orqali foydalanish mumkin. Unga ko‘ra, avval auksionga chiqarilgan va sotilmagan 1-3-kategoriyadagi “chiroyli” avtoraqamlarning barchasi jismoniy shaxslar uchun bazaviy hisoblash miqdorining 17 baravari — 7 mln so‘mdan sotuvga chiqarilgan. Yuridik shaxslar esa “chiroyli” avtoraqamlarni sotib olish BHMning 25 baravaridagi mablag‘ga, ya’ni hozirda 10,3 mln so‘mga tushadi.
Qayd etish joiz, 1-bosqichda avvalroq auksionga chiqarilgan, biroq hali sotilmagan raqamlar bazaga kiritilgan. 2026 yilning 1 yanvaridan boshlab, istalgan harf kombinatsiyasi va raqamni tergan holda BHMning 17 yoki 25 baravarini to‘lagan holda sotib olish mumkin bo‘ladi.
