Yaponiyada 26 yil faoliyat ko‘rsatgan hukmron koalitsiya parchalandi

Hukmron koalitsiya tarkibiga kiruvchi "Komeyto" LDP bilan hamkorlikdan voz kechdi va partiyaning yangi rahbari, bosh vazirlik uchun kurashayotgan Sanae Takaichini qo‘llab-quvvatlamasligini ma’lum qildi.

Foto: AP

Yaponiyaning o‘ng markazchi "Komeyto" partiyasi 10 oktyabr, juma kuni hukmron koalitsiyani tark etdi. Bu konservativ siyosatchi, 64 yoshli Sanae Takaichi ikkinchi birlashuv partiyasi – mamlakatning hukmron Liberal-demokratik partiyasi (LDP) rahbarligini o‘z qo‘liga olganidan bir hafta o‘tib sodir bo‘ldi.

Yaponiyaning Kyodo axborot agentligiga ko‘ra, koalitsiya 1999 yildan beri mavjud. Takaichi "Komeyto"ning qarorini «juda afsusli» deb atadi, chunki tomonlar «o‘tgan 26 yil davomida, hatto ular hokimiyatda bo‘lmaganida ham birga ishlagan».

Tomonlar bir hafta davomida muzokaralar olib bordi va asosiy e’tiborni uchta masalaga qaratdi: mamlakat tarixiga qarash, "Komeyto"ning xorijliklarga nisbatan ehtimoliy izolyatsionistik siyosatidan xavotirlar va siyosiy moliyalashtirishni isloh qilish. Ushbu so‘nggi nuqta bilan bog‘liq mojaro 2023 yil oxirida, ba’zi LDP fraksiyalari partiya xayriyalarini noqonuniy o‘zlashtirgani ma’lum bo‘lganida boshlandi.

LDP rahbari bo‘lgan Takaichi 2023 yil dekabrida xayriya pullari mojarosi tufayli Siyosatni o‘rganish kengashi raisi lavozimidan ketishga majbur bo‘lgan nufuzli siyosatchi Koichi Hagiuduni asosiy partiya lavozimiga tayinlaganidan keyin mojaro yana avj oldi.

Aynan moliyalashtirish masalasida LDP va "Komeyto" hozir kelishuvga erisha olmadi. Hukmron partiya nafaqat moliyalashtirish qoidalarini qayta ko‘rib chiqishdan bosh tortdi, balki korrupsiya mojarosi bo‘yicha aniq izoh bera olmadi, dedi "Komeyto" raisi Tetsuo Sayto.