Hujjatga ko‘ra, sohani raqamli transformatsiya qilish va ilmiy-innovatsion faoliyatni rivojlantirish bo‘yicha quyidagi ustuvor vazifalar belgilandi:
🔹 2028 yil 1 dekabrga qadar favqulodda vaziyatlar organlari faoliyatini raqamlashtirish darajasi 60 foizga yetkaziladi;
🔹 2030 yilga qadar import qilinayotgan avariya-qutqaruv va yong‘in-texnik mahsulotlarni mahalliylashtirish darajasi 30 foizga yetkaziladi;
🔹 sohaga oid innovatsion mahsulotlarni ishlab chiqish, sinov-tadqiqot va yong‘in-texnik ekspertizalarni rivojlantirish choralari amalga oshiriladi.
2026 yil 1 dekabrga qadar idoralararo raqamli jamoa tomonidan yagona texnologik talablar asosida sohani raqamlashtirish ishlari yakunlanadi.
2027 yil 1 dekabrga qadar esa vazirlik va idoralarning axborot tizimlari Favqulodda vaziyatlar vazirligining axborot-tahliliy platformalariga integratsiya qilinadi.
