Qoʻshimcha funksionallar
-
Tungi ko‘rinish
Aleksandr Vuchich rasmiy tashrif bilan O‘zbekistonga keldi
Prezident Shavkat Mirziyoyev taklifiga binoan Serbiya prezidenti Aleksandr Vuchich rafiqasi hamrohligida 28 oktyabr kuni rasmiy tashrif bilan Toshkentga yetib keldi. Oliy martabali mehmonni Toshkent xalqaro aeroportida bosh vazir Abdulla Aripov va boshqa rasmiylar kutib oldi.
Tashrif dasturiga muvofiq, Toshkent shahrida oliy darajadagi muzokaralar o‘tkazilib, O‘zbekiston–Serbiya ko‘p qirrali hamkorligini yanada rivojlantirish istiqbollari muhokama qilinadi. Suhbatlarda sanoat kooperatsiyasi, agrosanoat va farmatsevtika, axborot texnologiyalari va raqamlashtirish, turizm hamda ta’lim kabi yo‘nalishlar bo‘yicha amaliy hamkorlikni kengaytirish masalalari diqqat markazida bo‘ladi.
Muzokaralar yakunida ikki tomonlama hujjatlar to‘plamini imzolash nazarda tutilgan. Shuningdek, xalqaro ahamiyatga molik dolzarb masalalar yuzasidan ham atroflicha fikr almashish rejalashtirilgan.
Aleksandr Vuchich shu hafta Samarqand shahrida boshlanadigan YuNeSKO bosh konferensiyasining 43-sessiyasida faxriy mehmon sifatida ishtirok etadi.
Mavzuga oid
15:00 / 03.06.2026
Belgraddagi global konferensiyada O‘zbekistonning gender tenglik borasidagi tajribasi taqdim etildi
22:15 / 18.05.2026
Shavkat Mirziyoyev Serbiya prezidenti bilan hamkorlik masalalarini muhokama qildi
08:58 / 13.05.2026
NATO va Serbiya ilk qo‘shma mashg‘ulotlarni o‘tkazmoqda
18:24 / 01.02.2026