Narxlar oktyabrda 0,6 foizga oshdi, o‘tgan yilga nisbatan inflatsiya pasaydi

Oktyabr oyida oziq-ovqat mahsulotlari +0,9 foiz, nooziq-tovarlar +0,4 foiz, aholiga ko‘rsatiladigan pulli xizmatlar +0,3 foizga oshdi. 

Inflatsiyaga eng katta ta’sir ko‘rsatgan pozitsiyalar quyidagilar bo‘ldi:

• oziq-ovqat: pomidor (+61,0 foiz), bodring (+58,2 foiz), baqlajon (+11,3 foiz), bulg‘or qalampiri (+10,6 foiz), tarvuz (+7,0 foiz), qovun (+4,6 foiz), mandarin (+4,2 foiz), tovuq tuxumi (+4,1 foiz), uzum (+3,6 foiz), banan (+2,3 foiz), mol go‘shti (suyaksizdan tashqari) (+1,7 foiz), qo‘y go‘shti (+1,6 foiz), paxta moyi (+1,0 foiz), kungaboqar moyi (+0,7 foiz), birinchi navli bug‘doy uni (+0,4 foiz).
• nooziq-tovarlar: qimmatbaho metallardan nikoh uzuklari (+5,2 foiz), propan (+3,3 foiz), benzin (+1,5 foiz), sement (+1,2 foiz).

Qo‘mita hisob-kitoblarida respublika bo‘ylab 10 mingdan ortiq savdo va xizmat ko‘rsatish nuqtalarida qayd etilgan 195 mingga yaqin narx kuzatuvi qo‘llandi. Jami 420 turdagi oziq-ovqat/nooziq-ovqat mahsulotlari va 90 turdagi xizmatlar narxlari monitoring qilindi.