O‘zbekistonda oilaviy biznes: savdo tarmog‘i yetakchilikni saqlayapti

Milliy statistika qo‘mitasiga ko‘ra, 2025 yil 1 oktyabr holatiga mamlakatda 36 069 ta oilaviy korxona faoliyat yuritmoqda. Ularning eng katta qismi savdo sohasida - 14 646 ta (≈40,6 foiz). Keyin sanoat - 7 974 ta (≈22,1 foiz) va yashash-ovqatlanish xizmatlari - 7 122 ta (≈19,7 foiz).

Foto: Kun.uz

Iqtisodiy faoliyat turlari bo‘yicha taqsimot quyidagicha:

savdo: 14 646 ta (≈40,6 foiz);
sanoat: 7 974 ta (≈22,1 foiz);
yashash va ovqatlanish xizmatlari: 7 122 ta (≈19,7 foiz);
boshqa turlar: 2 684 ta (≈7,4 foiz);
qishloq va o‘rmon xo‘jaligi: 2 147 ta (≈6,0 foiz);
sog‘liqni saqlash va ijtimoiy xizmatlar: 646 ta (≈1,8 foiz);
tashish va saqlash: 325 ta (≈0,9 foiz);
qurilish: 291 ta (≈0,8 foiz);
axborot va aloqa: 234 ta (≈0,6 foiz).

Kuzatishlar oilaviy biznesning asosan bozorga yaqin tarmoqlarda joylashganini ko‘rsatadi: chakana savdo, ovqatlanish va turar joy xizmatlari shiddatli talab va past kirish to‘siqlari sabab yetakchilikni saqlayapti. Sanoatdagi ulushning yuqoriligi esa mahalliy qayta ishlash va kichik ishlab chiqarish loyihalarining kengayayotganini anglatadi.

Tayyorlagan: Отабек Матназаров

#statistika #oilaviy biznes