Toshkentda elektr to‘lovlari bo‘yicha 1 mlrd so‘mlik xatolik tuzatiladi

Qo‘mitaga murojaatdan keyin o‘rganishlarda hisobga olish uskunasi tarmoq korxonasi tomonidan o‘rnatilganiga qaramay, undagi ikkilamchi zanjirlar almashib ulangani aniqlandi. Shu bilan birga, hisoblagichga to‘g‘ri ulangan subiste’molchi ko‘rsatkichlari ham hisob-kitobdan chegirilmagan. Texnik xatolik masalasi yangi tahrirdagi elektrdan foydalanish qoidalarida nazarda tutilgan bo‘lsa-da, eski qoidalarda qayd etilmagan.

Qonunchilikka ko‘ra, “Raqobat to‘g‘risida”gi qonunning 18-moddasi ustun mavqedan suiiste’mol qilish — jumladan ortiqcha haq undirishni taqiqlaydi. Shu asosda hududiy boshqarma ish qo‘zg‘atib, quyidagi choralarni belgiladi:

• iste’molchiga 1,097 mlrd so‘mni qayta hisob-kitob qilish;
• aniqlangan qonunbuzarlikni bartaraf etish va kelgusida yo‘l qo‘ymaslik;
• ta’minotchining qoidalarga rioyasiga baho berish uchun hujjatlarni huquqni muhofaza qiluvchi organga yuborish.

Maxsus komissiya qarori va ko‘rsatmasidan norozi bo‘lgan tomon qo‘mitaning apellyatsiya kengashiga yoki sudga murojaat qilishi mumkinligi aytiladi.