Zelenskiy Putinning maxsus vakiliga nisbatan sanksiyalar kiritdi

Shuningdek, Rossiyaning yana bir necha nafar amaldorlari va beshta nashriyoti ham sanksiyalar ro‘yxatiga tushdi

Foto: TASS

Vladimir Zelenskiy Rossiyaning qator yuqori martabali amaldorlariga nisbatan sanksiyalar joriy etish to‘g‘risidagi farmonlarni imzoladi.

Hujjatlarga ko‘ra, sanksiyalar Rossiya prezidentining maxsus vakili, RFPI rahbari Kirill Dmitriyev, qishloq xo‘jaligi vaziri Oksana Lut, maorif vazirining birinchi o‘rinbosari Aleksandr Bugayev, madaniyat vaziri o‘rinbosari Andrey Malishev, ta’lim va fan vaziri Andrey Omelchuk, Ukraina bilan Istanbulda o‘tkazilgan muzokaralarda Rossiya guruhi vakili bo‘lgan general-leytenant Aleksandr Zorin hamda FXX tezkor ma’lumot va xalqaro aloqalar xizmati rahbari Aleksey Komkovga nisbatan joriy etildi.

Yana bir farmon bilan Rossiyaning beshta: "Veche", "Knijniy mir", "Izdatelskiy dom "Piter", "Tsentrpoligraf" va "Yauza" nashriyotlari sanksiyalar ro‘yxatiga kiritildi.