Jismoniy shaxslar shaxsiy ehtiyoj uchun qancha miqdorda tovarni bojsiz olib kirishi mumkin?

Qonunchilikka ko‘ra, jismoniy shaxslar tomonidan shaxsiy ehtiyoji uchun, notijorat maqsadlarda respublikaga olib kiriladigan tovarlarning bojsiz olib kirish normalari quyidagi miqdorlarda belgilangan:

• havo transportida — 1000 AQSh dollari;
• temiryo‘l va daryo transportida — 500 AQSh dollari;
• avtomobil (piyoda) o‘tkazish punktlari orqali — 300 AQSh dollari;
• xalqaro kurerlik jo‘natmalari orqali — 200 AQSh dollari;
• xalqaro pochta jo‘natmalari orqali — 100 AQSh dollari.

Ushbu me’yorlar faqat shaxsiy ehtiyoj uchun foydalaniladigan, ya’ni tijorat maqsadlarida bo‘lmagan tovarlarga taalluqli.

Belgilangan qiymatdan ortiq miqdorda tovar olib kirilgan taqdirda, qo‘shimcha qismi amaldagi qonunchilikka muvofiq bojxona to‘lovlariga tortiladi.